Azərbaycan Yazıçılar Birliyində Mahmud Kaşğarlı beynəlxalq hekayə müsabiqəsinin qaliblərinin mükafatlandırılması mərasimi keçirilib.
APA-nın məlumatına görə, tədbirdə çıxış edən Yazıçılar Birliyinin gənclər üzrə katibi Rəşad Məcid hekayə müsabiqəsinin artıq 4-cü dəfədir keçirildiyini bildirib. O deyib ki, qaydalara uyğun olaraq müsabiqədə türkdilli ölkələr üzrə qaliblər müəyyən edilir və beynəlxalq müsabiqəyə göndərilir. R. Məcid müsabiqə zamanı 30-dan artıq hekayənin təqdim olunduğunu və münsiflərin rəyi əsasında 3 qalibin müəyyənləşdirildiyini açıqlayıb.
Tədbirdə şair Əjdər Ol və yazıçı-dramaturq Əli Əmirli çıxış edib.
Müsabiqədə 1-ci yerə Təranə Vahidin “Mən toz dənəsiyəm”, 2-ci yerə Cavid Zeynallının “Düşərgəyə adam gəlib” və 3-cü yerə Rəşid Bərgüşadlının “Qara buludlar” hekayəsi layiq görülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
