Azərbaycan Xalçası Muzeyində professor Roya Tağıyevanın müəllifi və tərtibçisi olduğu “Azərbaycan xalçası Ensiklopediyası”nın II cildinin təqdimatı keçirilib.
APA-nın məlumatına görə, ensiklopediya Mədəniyyət və Turizm Nazirliyi, Xalça Muzeyi ilə yanaşı, Yaponiyanın “Japan Tobacco İnternational” şirkətinin birgə layihəsinin nəticəsidir.
Tədbirdə Xalça Muzeyinin direktoru Şirin Məlikova “Azərbaycan xalçası ensiklopediyası”nın hazırlanmasını xalçaçılıq sahəsinin böyük uğuru kimi dəyərləndirib. Azərbaycanda xalçaçılıq ənənələrinin dövlət tərəfindən qorunduğunu deyən muzey direktoru qeyd edib ki, kitabın təqdimatı da xalçaçılıq sənətinin dünyada tanıdılması istiqamətində həyata keçirilən layihələrin və görülən işlərin tərkib hissəsidir.
Mədəniyyət və Turizm Nazirliyinin muzey işi və mədəniyyət sərvətlərinə nəzarət sektorunun müdiri Azadə Hüseynova görülən işi yüksək qiymətləndirib.
Nəşrin müəllifi Röya Tağıyeva bildirib ki, Azərbaycan xalçası təkcə milli-mədəni ənənənin deyil, həm də ümumdünya irsinin ayrılmaz hissəsidir.
Qeyd edək ki, II cilddə 400-dən çox xovsuz xalçanın mənşəyi, kompozisiyası və ornament örnəyi əks olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
