Somalinin paytaxtı Moqadişoda baş verən partlayış nəticəsində 3 polis əməkdaşı ölüb.
APA-nın BBC-yə istinadən verdiyi xəbərə görə, minalanmış avtomobil hava limanı qarşısındakı nəzarət məntəqəsi yaxınlığında terrorçu-kamikadze tərəfindən partladılıb.
İnsidentə görə məsuliyyəti heç bir qruplaşma öz üzərinə götürməyib.
Qeyd edək ki, “Əl Qaidə” qruplaşması ilə əlaqəli olan “Əş-Şəbab” Somalidə terrorçu fəaliyyətlə məşğuldur. Qruplaşma ölkənin hakimiyyət orqanlarına qarşı silahlı mübarizə aparır.