Kolumbiyada asma körpünün uçması nəticəsində ölənlərin sayı 11 nəfərə çatıb.
APA-nın RİA Novosti agentliyinə istinadən verdiyi xəbərə görə, bu barədə ölkənin xilasedici xidmətləri məlumat verib.
Bundan əvvəl 7 nəfərin öldüyü, 13 nəfərin xəsarət aldığı bildirilirdi.
Faciə Vilyavisensio şəhərində baş verib. Ölənlər arasında anasının qoynunda olan yaş yarımlıq körpə də var. Qəza baş verdiyi an körpüdə 30-a yaxın insan olub. Asma körpünün hündürlüyünün 10-15 metr təşkil etdiyi bildirilir. Hadisənin səbəbləri barədə hələ ki, məlumat verilmir.
***
23:48
Kolumbiyanın Vilyavisensio şəhərində asma körpü uçub.
APA-nın RİA Novosti agentliyinə istinadən verdiyi xəbərə görə, insident nəticəsində 7 nəfər ölüb, 13 nəfər xəsarət alıb.
Məlumata görə, qəza baş verdiyi an körpüdə 30-a yaxın insan olub. Hadisə yerinə xilasedicilər və təcili tibbi yardım briqadaları cəlb edilib. Körpünün uçmasının səbəbləri hələ ki, məlum deyil.
Faktla bağlı araşdırmalara başlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
