Azərbaycan hərbçiləri Gürcüstanda NATO-nun “Sülh Naminə Tərəfdaşlıq” proqramı çərçivəsində dağ hazırlıq təlim kurslarına qatılıblar.
APA-nın Gürcüstan bürosunun məlumatına görə, təlim kurslarında 7 ölkə iştirak edir.
Proqrama qatılan ölkələrdən təlimlərdə 21 nəfər hərbçi iştirak edir. Kursların işlənib hazırlanması ilə Fransa Dağ Təlimi Mərkəzi məşğul olub.
Hazırda əsgərlər Bakuriani dağ-xizək kurortunda təşkil olunan dağ təlim kursunda iştirak edirlər.
Qeyd edək ki, dağ təlim kursları 3 həftə davam edəcək və martın 10-da sona çatacaq. Testlərdən uğurla keçən hərbçilər sertifikatlar və döş nişanları ilə təltif olunacaq.