ANAMA Cocuq Mərcanlıda 300-dən çox qəlpə, iki ədəd raket gilizi aşkarlayıb

ANAMA Cocuq Mərcanlıda 300-dən çox qəlpə, iki ədəd raket gilizi aşkarlayıb
# 25 fevral 2017 15:54 (UTC +04:00)

Bu gün Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Cəbrayıl rayonunun Cocuq Mərcanlı kəndində 14 ev və kəndə çəkilməsi nəzərdə tutulan avtomobil yoluna baxış keçirilib.

ANAMA-dan APA-ya verilən məlumata görə, baxış nəticəsində 334 ədəd qəlpə, 2 ədəd 73 mm-lik OQ-9 raketinin gilizi aşkar edilib.

Məlumata əsasən, mina və partlamamış hərbi sursat aşkar edilməyib.

Nəticə etibarilə 77 165 kv.m ərazi (48 015 kv.m əl ilə, 14 700 kv.m mexaniki üsulla və 14 450 kv.m ərazi minaaxtaran itlərin dəstəyi ilə) yoxlanılıb.

22 gün ərzində Cocuq Mərcanlıda 81 ev və yeni avtomobil yolunun keçəcəyi əraziyə baxış keçirilib, 6 ədəd partlamamış hərbi sursat (3 ədəd 82 mm-lik minaatan mərmisi (OF-832), 2 ədəd 120 mm-lik minaatan mərmisi (OF-843) və 1 ədəd 93 mm-lik tank əleyhinə idarə olunmayan raket (PQ-7VL)) və 1 ədəd piyada əleyhinə mina (OZM-72) aşkar olunaraq zərərsizləşdirilib, 616 224 kv.m ərazi (314 124 kv.m ərazi əl ilə, 136 500 kv.m ərazi mexaniki üsulla, 113 000 kv.m ərazi SENSYS dərinlik ölçən cihazı və 52 600 kv.m ərazi minaaxtaran itlərin dəstəyi ilə) yoxlanılbl.

Ərazinin mina və partlamamış hərbi sursatlardan təmizlənməsi əməliyyatı davam etdirilir.

Ümumilikdə ANAMA tərəfindən 1 yanvar - 25 fevral 2017-ci il tarixlərində Ağdam, Ağstafa, Füzuli, Şamaxı, Xızı, Beyləqan, Bərdə, Tovuz, Lənkəran və Cəbrayıl rayonları, Lənkəran, Gəncə, Şirvan və Tərtər şəhərlərində 3 otlaq sahəsinə, 1 əkin sahəsinə, 1 hərbi hissənin yaxınlığına, 85 ev və həyətyanı sahəyə, 1 kənd orta məktəbinin həyətinə, su arxına, dəniz və yol kənarına, yeni avtomobil yolunun çəkiləcəyi əraziyə, avtobaza ərazisinə, körpü ərazisinə, istirahət mərkəzinə, yaşayış binasının yaxınlığına baxış keçirilmiş, 1 962 ədəd partlamamış hərbi sursat, 34 ədəd tank əleyhinə mina və 3 ədəd piyada əleyhinə mina aşkar olunaraq zərərsizləşdirilib, 646 318 kv.m ərazi (344 218 kv.m ərazi əl ilə, 136 500 kv.m ərazi mexaniki üsulla, 113 000 kv.m ərazi SENSYS dərinlik ölçən cihazı və 52 600 kv.m ərazi minaaxtaran itlərin dəstəyi ilə) yoxlanılıb.

#
#

ƏMƏLİYYAT İCRA OLUNUR