Marko Roys Azərbaycanla oyunda iştirak etməyəcək

Marko Roys Azərbaycanla oyunda iştirak etməyəcək
# 06 mart 2017 06:59 (UTC +04:00)

Almaniya yığması Azərbaycana itki ilə gələcək. Apasport.az saytı xəbər verir ki, DÇ-2018-in seçmə mərhələsi çərçivəsində bu ay millimizin qonağı olacaq Bundestim təcrübəli futbolçu Marko Roysun xidmətindən istifadə edə bilməyəcək.

Buna səbəb 27 yaşlı hücumameyilli yarımmüdafiəçinin sıradan çıxmasıdı. Belə ki, Dortmund “Borussiya”sının üzvü Bundesliqanın XXIII turunda “Bayer”lə matçda (6:2) zədə alıb. Oyunu davam etdirə bilməyən Roys 44-cü dəqiqədə əvəzlənmək məcburiyyətində qalıb.

Tibbi müayinədən sonra məlum olub ki, Roys martda, həmçinin aprelin əvvəllərində yaşıl meydanlardan uzaq qalacaq. Bu səbəbdən təcrübəli futbolçu millisinin İngiltərə ilə keçirəcəyi yoldaşlıq matçı və Azərbaycanla oyunu buraxacaq.

Qeyd edək ki, İngiltərə ilə martın 22-də Dortmundda üz-üzə gələcək Almaniya yığması 4 gün sonra Bakıda Azərbaycan millisinin qonağı olacaq.

#
#

ƏMƏLİYYAT İCRA OLUNUR