“Hazırda dünyada mövcud olan ənənəvi dinlər ekstremizm və terrorizmlə üzləşir”.
APA-nın məlumatına görə, bu barədə Rusiya və Moskva patriarxı Kirillin Bakıda keçirilən "İslam həmrəyliyi: zamanın çağırışı" adlı beynəlxalq konfransa müraciətində deyilir.
Müraciəti Novqorod və Starorus mitropoliti Lev oxuyub. O bildirib ki, hazırda dünyada müxtəlif dinlər və ənənələr bir cəmiyyətdə yaşayır: “Bu isə qarşılıqlı anlaşmanı labüd edir. Dünyada baş verən terror aktları və insanların öldürülməsi bizi elə bir model tapmağa çağırır ki, sülh naminə birlikdə işləyək və ekstremizmin qarşısını alaq. Ənənəvi dinlərə tolerant yanaşmadan ekstremizmin qarşısını almaq mümkün deyil. Azərbaycan bu sahədə yaxşı təcrübə qazanıb. Bu ölkə dini və mədəni müxtəlifliklər arasında balans yarada bilib. Tədbirin burada keçirilməsi çox yerində və vaxtındadır. Ümid edirəm ki, bu tədbirin işi müxtəlif din və mədəniyyətlər arasında münasibətlərin dərinləşməsinə töhfə verəcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
