Amerika

Ana səhifə

Amerika

Bu gün Vaşinqtonda Merkel və Tramp arasında görüş keçiriləcək

17 mart 2017 00:23 (UTC +04:00)

Almaniya kansleri Angela Merkel bu gün Vaşinqtonda ABŞ prezidenti Donald Trampla ilk dəfə görüş keçirəcək.

APA-nın “RİA Novosti”yə istinadən verdiyi xəbərə görə, bundan əvvəl Tramp telefon danışığında Almaniya hökumətinin rəhbərini ABŞ-a səfər etməyə çağırıb. Lakin, martın 14-nə planlaşdırılmış görüş qar boranı səbəbindən martın 17-nə keçirilib.

Kanslerin dəftərxanasından verilən xəbərə görə, təkbətək və geniş tərkibdə keçiriləcək danışıqlar zamanı Trans-Atlantik tərəfdaşlıq və beynəlxalq siyasətə dair məsələlər müzakirə ediləcək.

Günün ikinci yarısında birgə mətbuat-konfransı və Merkelin şərəfinə ziyafət veriləcəyi bildirilib. Daha sonra Tramp Berlinə geri qayıdacaq.