Dövlət İmtahan Mərkəzi (DİM) M. V. Lomonosov adına Moskva Dövlət Universitetinin (MDU) Bakı filialına qəbul olmaq istəyən abituriyentlərə müraciət edib. Mərkəzdən APA-ya verilən məlumata görə, M. V. Lomonosov adına MDU-nun Bakı filialına qəbul DİM tərəfindən ali təhsil müəssisələrinin bakalavriat səviyyəsinə tələbə qəbulu ilə bağlı keçirilən birinci (yaz) imtahanın nəticələri əsasında həyata keçiriləcək.
Bildirilib ki, MDU-nun Bakı filialına qəbul olmaq istəyən abituriyentlər birinci (yaz) imtahanda iştirak etməlidirlər.