Gürcüstanın Kvemo Kartli bölgəsinin qubernatoru Paata Xizanaşvili vəzifəsindən gedə bilər.
APA-nın Gürcüstanın IPN agentliyinə istinadən verdiyi məlumata görə, P. Xizanaşvili bildirib ki, onun başqa vəzifəyə təyin edilməsi məsələsi müzakirə olunur.
Bununla yanaşı qubernator hələlik konkret qərarın verilmədiyini söyləyib.
Qeyd edək ki, P. Xizanaşvili 2014-cü ilin dekabrından Kvemo-Kartli qubernatorudur. Kvemo-Kartli azərbaycanlıların kompakt yaşadığı bölgədir.