Gələn ay Bakıda Azərbaycan-Avropa İttifaqı biznes forumu keçiriləcək.
Azərbaycanda İxracın və İnvestisiyaların Təşviqi Fondundan ("Azpromo") "APA-Economics"ə verilən məlumata görə, biznes forum iyunun 8-də İqtisadiyyat Nazirliyinin dəstəyi, Avropa İttifaqının Azərbaycandakı Nümayəndəliyi, Alman-Azərbaycan Xarici Ticarət Palatası və "Azpromo"nun birgə təşkilatçılığı ilə baş tutacaq.
Biznes foruma iqtisadiyyatın müxtəlif sahələrində fəaliyyət göstərən Avropa şirkətlərinin qatılacağı gözlənilir.