Milli Məclisin deputatı, ATƏT PA-nın vitse-prezidenti Azay Quliyev mayın 14-də Almaniyanın paytaxtı Berlinə səfər edəcək.
Milli Məclisin Mətbuat xidmətindən APA-ya verilən məlumata görə, millət vəkili ATƏT-in Demokratik təsisatlar və insan haqları Ofisi (DTİHO) tərəfindən hazırlanan Anti-semit nifrətilə bağlı cinayətlər və yəhudi icmalarının təhlükəsizliyinin təmini haqqında yeni praktiki kitabçanın təqdimat mərasimində iştirak edəcək.
Deputat, eyni zamanda, Almaniya Bundestaqında "Parlamentarilər anti-semitizmlə mübarizəni necə apara bilərlər" mövzusunda keçiriləcək müzakirələrə qatılacaq.
Səfər mayın 16-da başa çatacaq.