Martın əvvəlindən Ukraynada hərbi münaqişə nəticəsində 35 dinc sakin həlak olub.
APA-nın məlumatına görə, bu barədə BMT-nin humanitar məsələlər idarəsinin məruzəsində bildirilir.
“Martın 1-dən mayın 14-dək hərbi əməliyyat zonasında 35 dinc sakin həlak olub, 143-ü yaralanıb”, hesabatda bildirilir.
BMT-nin hesablamalarına görə, 2014-cü ilin yazından, münaqişə başladığı dövrdən Ukraynanın cənub-şərqində 2 mindən çox dinc sakin həyatını itirib, 9 minədək insan yaralanıb, 3 milyona yaxını isə öz evini tərk etmək məcburiyyətində qalıb.
Qeyd edək ki, Ukraynada münaqişə zonasında 5 milyondan çox insan yaşayır.