"JPMorgan Chase" investisiya bankı "bitcoin" ilə ticarət edən treyderləri işdən qovacaq. "APA-Economics" "Bloomberg" agentliyinə istinadən xəbər verir ki, bunu bankın rəhbəri Ceyms Daymon bəyan edib.
"Bu cür treyderlər 1 saniyə ərzində işdən azad olunacaq. Bunun iki səbəbi var: birincisi, bu, bizim qaydalarımıza ziddir, ikincisi, onlar (treyderlər - red.) ağılsızdır", - deyə C. Daymon bildirib.
Bank rəhbəri "bitcoin"i "yalan" adlandırıb. Onun sözlərinə görə, "bitcoin" ətrafında yaranmış ajiotaj XVII əsrdəki "zanbaq maniyası"ndan (o zaman möhtəkirlər ucbatından zanbağın soğanağı kəskin bahalaşıb - red.) da pisdir.
"Bu kriptovalyuta ətrafında yaranmış vəziyyətin sonu yaxşı olmayacaq. "Bitcoin" narkotacirlər və qatillər üçün əlverişlidir", - deyə o bildirib.
Son 24 saat ərzində "bitcoin"in məzənnəsi 6,68% zəifləyərək 4019,19 dollar səviyyəsinə enib. "Bitcoin" bazarının kapitallaşması 66,5 mlrd. dollardır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
