Milli Məclisin deputatı Novruz Aslanov oktyabrın 12-də İsmayıllı rayonunda seçicilərini qəbul edib.
Deputatın qərargahından APA-ya bildirilib ki, qəbul deputatın İsmayıllı şəhərində yerləşən ofisində baş tutub. Qəbula gələn sakinlər əsasən, şəxsi məişət və sosial yönümlü problemlərlə bağlı deputata müraciət ediblər. Bəzi məsələlər yerindəcə həll edilib, həlli zaman tələb edən digər məsələlərlə bağlı deputat əlaqədar qurumlara rəsmi müraciətlərin ediləcəyini bildirib.