Futbol

Ana səhifə

Futbol

“Qarabağ” Avropanın ən məhsuldar klubları arasında 177-ci yerdədir

13 oktyabr 2017 11:49 (UTC +04:00)

Avrokubokların ən məhsuldar klublarının siyahısı açıqlanıb. Apasport.az saytının məlumatına görə, UEFA-nın tərtib etdiyi cədvəldə qitənin 10 ən çox qol vuran komandası yer alıb.

Yalnız bir klub qitə kuboklarında 1000-dən artıq qol vurub. Bu da İspaniya “Real”ıdı. “Kral klubu”nun ən yaxın izləyicisi “Barselona”dı. 3-cü sırada “Bavariya” qərarlaşıb.

yer	klub	qol	oyun	Orta məhsuldarlıq
1	Real	1104	520	2.12
2	Barselona	926	468	1.98
3	Bavariya	870	439	1.98
4	Yuventus	711	412	1.73
5	Benfika	655	405	1.62
6	Anderlext	628	392	1.60
7	Milan	619	375	1.65
8	Ayaks	614	377	1.63
9	Mançester Yunayted	607	344	1.76
10	Liverpul	590	347	1.70

UEFA-nın cədvəlində ilk “onluq”dan başqa seçilmiş 10 kluba da yer verilib. Həmin klubların qol, oyun sayı, orta məhsuldarlığı, həmçinin mövqeyi əks olunub.

UEFA-nın seçilmişləri Çempionlar Liqasındakı iştirakına görə müəyyənləşib. Burada Azərbaycan çempionu “Qarabağ” da var. Ölkəmizin Avropadakı ən uğurlu təmsilçisi həm də ən məhsuldar komandamızdı. 86 matçda 87 dəfə fərqlənən ağdamlılar qol sayında Avropada 177-cidi.

yer	klub	qol	oyun	Orta məhsuldarlıq
12	Porto	543	359	1.51
14	Seltik	527	336	1.57
17	Atletiko	497	297	1.67
19	Sportinq	450	291	1.55
26	Tottenhem	404	205	1.97
28	Borussiya D	399	235	1.70
29	Feyenoord	398	251	1.59
34	Çelsi	378	213	1.77
37	PSJ	360	210	1.71
177	Qarabağ	87	86	1.01

UEFA orta məhsuldarlıqda da ən yaxşını müəyyənləşdirib. Bu cədvəldə Mönhenqladbax “Borussiya”sı hamıdan öndədi. Ən azı 100 oyun keçirən komandaların müqayisəsində 3 klub hər görüşdə 2-dən çox qol vurub. “Borussiya”nın ən yaxın izləyiciləri “Real”la “Ayntraxt” da buna nail olub. Orta məhsuldarlıq üzrə ilk “beşlik”də “Barselona” və “Bavariya” da yer alıb.