Ağstafa rayonu ərazisində çobanlar arasında dava düşüb. APA-nın qərb bürosunun verdiyi məlumata görə, hadisə Ceyrançöl ərazisində baş verib. Çobanlar arasında baş verən dava zamanı Daşkəsən rayon sakinləri - 1983-cü il təvəllüdlü Afiz Paşayev , onun qardaşı, 1993-cü il təvəllüdlü Asim Paşayev, 1983-cü il təvəllüdlü Mahir Məmmədov, Qazax rayonunun Daş Salahlı kənd sakini 1984-cü il təvəllüdlü Pərviz Süleymanov müxtəlif bədən xəsarətləri alaraq Ağstafa rayon Mərkəzi Xəstəxanasına yerləşdiriliblər.
Davanın otlaq sahəsi üstündə baş verdiyi bildirilir.
Faktla bağlı araşdırma aparılır.