"Son illər ölkəmizin nəqliyyat sektoruna cəlb edilmiş investisiyalara nəzər salsaq, görərik ki, nəqliyyat və logistika sektoruna qoyulmuş investisiya ümumi ölkə iqtisadiyyatına qoyulmuş investisiyasının 20%-ni təşkil edir".
“APA-Economics” xəbər verir ki, bunu nəqliyyat, rabitə və yüksək texnologiyalar nazirinin müşaviri Tahir Məmmədov ATƏT Parlament Assambleyasının (PA) İpək Yoluna Dəstək Qrupunun "İpək Yolu boyunca iqtisadi əməkdaşlıq və mədəni əlaqələrin inkişaf etdirilməsində parlament üzvlərinin rolu" mövzusunda Bakıda keçirilən beynəlxalq konfransında çıxışı zamanı bildirib.
T.Məmmədovun sözlərinə görə, bu, dövlətin bu sahəyə olan diqqətini göstərir.
“Bu sahədə Dünya Bankı, Avropa Yenidənqurma və İnkişaf Bankı, Asiya İnkişaf Bankı kimi beynəlxalq maliyyə institutları ilə yaxından əməkdaşlıq edilir. Bu əməkdaşlığın perspektivləri hər zaman gündəmdədir. İpək yolu bizim üçün təkcə nəqliyyat, loqistika baxımından deyil, eyni zamanda digər ölkələrlə mədəniyyət əlaqələrinin qurulması və inkişafı baxımdan da çox önəmlidir”, - deyə T.Məmmədov əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
