Gürcüstanda prezidentliyə növbəti namizədin adı məlum olub.
APA-nın yerli bürosunun məlumatına görə, Gürcüstanın şovinist-millətçi təşkilatlarının təmsil olunduğu “Gürcü marşı” hərəkatının liderlərindən biri olan Sandro Breqadze prezidentliyə namizədliyini irəli sürüb. O bildirib ki, amerikalıların və rusların deyil, gürcülərin namizədi olacaq.
Qeyd edək ki, S. Breqadze diaspor məsələləri üzrə dövlət nazirinin müavini olub. "Gürcü marşı"nın son illər keçirdiyi aksiyalarda Gürcüstanı qeyri-qanuni miqrantlardan təmizlənməsi və miqrasiya siyasətinin qaydaya salınması tələb edilib.
S. Breqazde prezidentliyə namizədliyini açıqlayan ikinci namizəddir. İlk namizəd “Girçi - Yeni Siyasi Mərkəz” partiyasının liderlərindən biri Zurab Caparidze olub.
Qonşu ölkədə prezident seçkiləri bu ilin oktyabrında keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
