"Hər bir sahədə olduğu kimi, təhsil sahəsində də müəyyən problemlər var. Cəmiyyəti narahat edən məqamlar şagirdlərin və müəllimlərin psixoloji durumu ilə bağlı problemlərdir. Biz bu məsələlərə həssaslıqla yanaşırıq".
ONA-nın xəbərinə görə, bunu təhsil nazirinin müavini Firudin Qurbanov Təhsil Nazirliyinin media nümayəndələri üçün keçirdiyi təlimdə deyib.
O bildirib ki, Azərbaycanda 1 milyon 600 min şagird təhsil alır və həmin şagirdlərin hər birinin özünəxas xarakteri var: "Tədqiqatlar da göstərir ki, bir uşağın xarakteri 3-5 yaş arasında formalaşır".
Nazir müavini qeyd edib ki, məktəblərdə təlim-tərbiyə işi təkmilləşdirilir, hər hansı təhsil müəssisəsində fövqəladə hal baş verdikdə aidiyyəti orqanlara müraciət olunur: "Bu yaxınlarda bir qız uşağı özünü yaşadığı mənzildən atmışdı. Onun həyatını xilas edə bildik. Qaradağ rayonunda da oğlan uşağı özünü 2-ci mərtəbədən atmışdı. Biz bu məsələlərə həssaslıqla yanaşdıq. Onların həyatı xilas edildi. Cəlilabadda bir müəllim döyüldü. Faktla bağlı hüquq-mühafizə orqanları tərəfindən cinayət işi açılıb. Lakin bu məsələ bir sıra saytlarda bir qədər başqa formada təqdim edildi".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
