Bakıda qadını qətlə yetirən dəstə üzvləri - Fərid Axundov, Rəsul Quluzadə və Heydər Nəsirlinin cinayət işi üzrə ibtidai istintaq başa çatıb.
APA-nın məlumatına görə, təqsirləndirilən şəxslərin barəsində toplanan cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi Novruz Kərimovun icraatına verilib.
Qeyd edək ki, ötən il sentyabrın 23-də saat 22 radələrində "Yeni Yasamal-1" yaşayış sahəsində Maya Kərimovanın üzərində zorakılıq əlamətləri olan meyitinin yaşadığı evdə tapılması barədə Yasamal Rayon Polis Şöbəsinin 29-cu Polis Şöbəsinə məlumat daxil olub.
Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.
Təxirəsalınmaz istintaq və əməliyyat tədbirləri ilə M.Kərimovanın Lənkəran rayon sakinləri H.Nəsirli və əvvəllər məhkum olunmuşlar - F.Axundov və R.Quluzadə tərəfindən bıçaqla qətlə yetirilməsi müəyyən edilib.
Məlum olub ki, təqsirləndirilən şəxslər qadını qətlə yetirəndən sonra mənzildə qazı açıq qoyub gediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
