200 min manata görə araları dəyən dostlar APA TV-yə danışdı

# 15:11
14 aprel 2022

Ağcabədinin Salmanbəyli kəndində “poz qazan”  lotereyasından udulan 200 000 manat 3 yaxın dostun ayrılığına səbəb olub. Elçin, Zidan və Cahandar...  Elçinlə Zidanın iddiasına görə,  onlar hər gün,  birlikdə Lotereya alıb, onun xeyrinə də, ziyanına da şərik olublar.

Hətta Cahandarın atası xaricdə olduğu üçün, çox vaxt lotereyanın pulunu Elçinlə, Zidan ödəyib. Sonuncu gün onlar yenə birlikdə lotereya alırlar. Zidanın aldığı Lotereyaların hər biri az məbləğdə mükafat qazanıb. Sonuncu lotereya isə onların böyük sevincinə səbəb olub.

Lotereyanın bütün xanalarını pozmasalar da, onlar Lotereyanın böyük məbləğdə pul udulduğundan əmin olurlar. Onların sevincinin bu yerində Zidanın atasından zəng gəlir. Söhbətdən xəbərdar olduqdan sonra dostların 3-nü də evə çağırır. Lotereyanın sonuncu xanasını da elə Zidanın atası pozur. Məlum olur ki, uduşun məbləği 200 000 manatdır.

Zidanın atası Vəliağa lotereyanı oğlunun dostlarına verir ki, aparın siz də ailənizə göstərin. Dostların iddialarına görə, onlar Cahangirin evinə yollandıqdan sonra münasibətlər  tamamilə dəyişir.

Cahangirin lotereyanı götürüb, onlarla bölüşməməsi ailələrin də söhbətə qarışmasına səbəb olur. Məhz bundan sonra Elçinin atası hüquq mühafizə orqanlarına müraciət edir.

Hazırda araşdırmalar davam edir.  bu 3 dostdan Elçinin atası gənclər  arasında yarana biləcək düşmənçilikdən ehtiyat edir.

Məsələni bir də Cahangirin dilindən eşitmək istədik. Cahangirin anası, oğlunun evdə olmadığını, özü isə müsahibə vermək istəmədiyini bildirdi. Suallarımızı isə bir cümlə ilə cavablandırdı. “Oğlum lotereya alıb, o da 200 min manat udub. Bizim o pulu heç kimlə bölmək fikrimiz yoxdur.

Məsələ ilə bağlı rayon polis şöbəsində araşdırma davam edir.

Habil Aslanoğlu, Ziya İsmayılov, Ağcabədi

#
#

ƏMƏLİYYAT İCRA OLUNUR