22 il məhkumluq həyatı yaşayan şəxs yenidən tutuldu

# 11:51
8 yanvar 2022

İsmayıllıda mobil telefonların satıldığı mağazadan oğurluq edilib.

 

APA TV-nin yerli bürosunun xəbərinə görə, rayon Polis Şöbəsinə müraciət edən zərərçəkən obyektdən ümumi dəyəri 4160 manat olan 10 ədəd mobil telefonun və 300 manata yaxın pulun oğurlandığını bildirib.

 

Keçirilən əməliyyat zamanı qeyd olunan cinayət hadisəsini törətməkdə şübhəli bilinən Bakı şəhər sakini, əvvəllər də oğurluğa görə bir neçə dəfə həbs olunan və ümumilikdə 22 il məhkumluq həyatı yaşayan Durar Qasımov saxlanılıb.

 

Saxlanılan şəxsin ətrafında davam etdirilən tədbirlərlə onun İsmayıllıda daha 2 mağazadan telefon danışıq kartları, pul, ərzaq məhsulları, eləcə də Qazax və Bakı şəhərlərində bir neçə obyektdən mobil telefonlar oğurladığı məlum olub. 

 

Qeyd edək ki, telefonların bir neçəsi ondan aşkar olunaraq maddi sübut kimi götürülüb.
Faktla bağlı cinayət işi başlanılıb.

 

Şahnəzər Bəşirov

APA TV

 

 

#
#

ƏMƏLİYYAT İCRA OLUNUR