87 yaşlı yazıçı evində qaz yandıra bilmir: Pulunu çatdıra bilmirəm

# 18:40
1 dekabr 2022

“Qanun” nəşrlər evinin rəhbəri Şahbaz Xuduoğlu öz sosial şəbəkə hesabında yazıçı Əlisa Nicatın durumu ilə bağlı paylaşım edib. Naşir bildirib ki, 87 yaşlı yazıçı qazpulunu çatdıra bilmir deyə, gün ərzində evi isitmək üçün cəmi 1-2 saat qaz yandırır.

 

Bu paylaşım sosial şəbəkələrdə ciddi müzakirələrə səbəb olub.

 

Məsələ ilə bağlı APA TV yazıçının evinə yollanıb. Əlisa Nicat bildirib ki, bu gün media nümayəndələrinin onunla maraqlanması sözün yaxşı mənasında onu kövrəldib: “Mən belə bir şey ilk dəfədir  ki, görürəm. Haqqımda çoxlu kitablar yazıblar. Mən qızıl üçün gəzirəm, hamı deyir kişinin ağzından qızıl tökülür”.

 

Yazıçının köhnə geyimi də sosial şəbəkələrdə müzakirə predmeti olub. Özü isə geyiminin deyil, evinin isti olmasını istəyir: “Bunu dostum alıb geyinirəm. Bərbərə  də  getmirəm, saçımı  özüm qırxıram. Ürəyimdən narahatam, xırda dərman atıram keçir. Axırıncı  dəfə  həkimə 5-6 il öncə  getmişəm”.

 

Azərbaycan Yazıçılar Birliyindən bildirilib ki, yazıçı vəziyyəti ilə bağlı onlara müraciət etməyib.

Əlisa Nicat 100 dən çox kitabın müəllifidir. O, “Qızılbaşlar”, “Zərdüşt”, “Əsarət bayramı”, “Gərəksiz”, “Qəbilə başçısı”, “Gəncəli müdrik” və s. kimi məşhur əsərlərin müəllifidir. Müstəqillik dövründə “Nağıllara dönən tarix”, “Ruhların söhbəti”, “Dünya sərkərdələri”, “Kədər şərabı”, “Yüz böyük Azərbaycanlı”, “Karvan” və digər kitabları çap edilib.

#
#

ƏMƏLİYYAT İCRA OLUNUR