Xəbərlər

Həkəri çayına növbəti balıq körpələri buraxıldı

17:54

22 fevral 2023

Laçında Əlaqələndirmə Qərargahının İdarələrarası Mərkəzinin nəzdində fəaliyyət göstərən Ekoloji məsələlər üzrə İşçi Qrupunun iclası keçirilib.

Ekologiya və təbii sərvətlər nazirinin müavini Firdovsi Əliyev işğaldan azad edilmiş ərazilərimizdə ekologiyanın bərpası istiqamətində görülmüş işlər barədə danışıb.

Nazirliyin Ekosiyasət şöbəsinin müdiri Mehman Nəbiyev 2021-2023-cü illərdə azad edilmiş ərazilərimizdə həyata keçirilən layihələr barədə məlumat verib. O bildirib ki, daha 100 hektar ərazidə meşə sahəsi salınacaq.

Tədbirdə həmçinin Dövlət Ekspertiza İdarəsinin rəisi Mirsalam Qənbərov, "Təmiz Şəhər" ASC-nin şöbə müdiri Səbuhi Babayev, Kənd Təsərrüfatı Nazirliyinin nümayəndəsi Bəhruz Nuriyev, Qarabağ İqtisadi rayonunda bərpa, tikinti və idarəetmə publik hüquqi şəxsin icraçı direktor müavini Səbuhi Abdullayev, AMEA-nın vitse-prezidenti, akademik İradə Hüseynova və digər rəsmilər çıxış ediblər.

Tədbirdən sonra Həkəri çayına növbəti dəfə balıq körpələri buraxılıb.