Metronun rejimi dəyişdi

# 18:15
11 iyul 2022

 

“Qarabağ”ın evdə Polşa “Lex”inə qarşı keçirəcəyi UEFA Çempionlar Liqasının I təsnifat mərhələsinin cavab oyunu üçün “Bakı Metropoliteni” QSC-nin iş rejimində ehtiyat qatarlar hazır vəziyyətdə saxlanılacaq. Bu barədə APA TV-yə qurumun Mətbuat Xidmətindən məlumat verilib. Bildirilib ki, iyulun 12-də Tofiq Bəhramov adına Respublika stadionunda gerçəkləşəcək oyuna tamaşaçı marağını nəzərə alaraq, Bakı metropoliteninin iş rejimində müvafiq dəyişiklik edilməsi nəzərdə tutulub. Metropolitenin əvvəlcədən elan edilmiş istirahət günü qrafikinə baxmayaraq, sərnişinlərin təhlükəsiz və rahat daşınması məqsədilə Respublika stadionunda keçirilən kütləvi tədbirlər zamanı metropolitenin müvafiq əməliyyat planı əsasında bir sıra tədbirlər görüləcək. Görüşün oynanılacağı mərkəzi arenanın yaxınlığında yerləşən “Gənclik” stansiyası oyunun başlanma saatı ərəfəsində gücləndirilmiş iş rejimi şəraitində çalışacaq. Bu xüsusda əlavə işçi qüvvəsi ayrılmaqla növbətçilik cədvəli tərtib olunacaq, nəzarət mexanizmləri gücləndiriləcək. Həmçinin “Nəriman Nərimanov” və “28 May” stansiyalarında müvafiq ehtiyat tədbirlər nəzərə alınacaq. Xəttə buraxılmaq üçün nəzərdə tutulmuş ehtiyat qatarlar hazır vəziyyətdə saxlanılacaq. Qeyd edək, “Qarabağ” – “Lex” oyunu iyulun 12-si saat 20:00-da start götürəcək. Komandalar arasında Poznandakı ilk matçda ev sahibləri 1:0 hesablı qələbə qazanıb. Oyuna 15 minə yaxın bilet satılıb. Bilet satışları hələ də davam edir.

#
#

ƏMƏLİYYAT İCRA OLUNUR