Xəbərlər

Qardaş qardaşın qanını tökdü

18:47

1 mart 2022

Ağcabədi rayonunda bıçaqlanma hadisəsi baş verib.

APA TV-nin yerli bürosunun verdiyi xəbərə görə, dəhşətli hadisə Ağcabədi şəhər, Hüsü Hacıyev küçəsində qeydə alınıb. Hadisə zamanı qardaş qardaşına bıçaqla xəsarət yetirib. Rayon sakini İlqar Hüseynov və Elçin Hüseynov qardaşları arasında yaşadıqların evin həyətində mübahisə yaranıb. Mübahisə zamanı əsəblərinə hakim ola bilməyən İlqar Hüseynov bıçağa əl ataraq qardaşı Elçin Hüseynovu bıçaqlayıb. Yaralı dərhal Ağcabədi Mərkəzi rayon xəstəxanasına yerləşdirilib. Həkimlər onun həyatını xilas edə bilib.

Hadisəni törətməkdə şübhəli bilinən İlqar Hüseynov hüquq mühafizə əməkdaşları tərəfindən saxlanılaraq istintaqa təhvil verilib. Faktla bağlı cinayət işi başlanıb, araşdırma aparılır.

Elgün Gəncimsoy

Ziya İsmayıloğlu

APA TV, Ağcabədi