Xəbərlər

Ruhi Əliyevaya hədə-qorxu gələnlərə HÖKM OXUNDU

12:54

6 aprel 2022

"Liatris Holding"in rəhbəri, iş qadını Ruhi Əliyevaya hədə-qorxu gələn şəxslərlə bağlı məhkəmə qərarı elan olunub.

APA xəbər verir ki, Ruhi Əliyevanı şəxsi həyatı ilə bağlı həqiqətə uyğun olmayan məlumatlar yaymaqla hədələyən Xudaverdi Mütəllimov və İntiqam Səmədov məsuliyyətə cəlb ediliblər.

Bakı Ağır Cinayətlər Məhkəməsinin hökmü ilə hər iki şəxs 10 il 6 ay müddətinə azadlıqdan məhrum edilib və cəzalarını ciddi rejimli cəzaçəkmə müəssisəsində çəkəcəklər.

Qərardan narazı qalan təqsirləndirilən şəxslər apellyasiya şikayəti verib. Bakı Apellyasiya Məhkəməsi onların şikayətini təmin etməyib.

Ruhi Əliyeva APA-ya məlumatı təsdiq edib. O, bildirib ki, insanların şəxsi və iş həyatı barədə yalan məlumatlar yaymaq qanunaziddir və hər kəs kimliyindən asılı olmayaraq qanun və məhkəmə qarşısında cavab verməlidir.