Xəbərlər

"Sepah" Ərbili əslində niyə vurubmuş? - YENİ DETALLAR

18:24

29 mart 2022

"Sepah"ın bir müddət öncə Ərbil şəhərinə endirdiyi raket zərbələrinin detalları üzə çıxıb.

APA TV xəbər verir ki, bu barədə "Reuters" xəbər agentliyi adını çəkmədiyi İraq rəsmisinə istinadən məlumat yayıb.

Məlumata görə, "Sepah"ın Ərbilə hücumu Avropaya qaz nəqlinə mane olmaq məqsədilə həyata keçirilib.

Belə ki, İraqın Kürdüstan Muxtariyyəti Türkiyə vasitəsilə Avropaya qaz nəql etməyi planlaşdırır. Layihənin isə İsrailin köməyilə baş tutacağı bildirilir. Lakin "Sepah" bu layihədən narazı qalıb və onun baş tutmasının qarşısını almaq üçün sözügedən hücumu həyata keçirib.

Amma "Sepah" yaydığı bəyanatda İsrailin gizli casusluq mərkəzini vurduğunu iddia etmişdi.

Məlumatda o da qeyd olunub ki, raket zərbələri endirilən boş villa isə enerji sahəsində çalışan bir iş adamına məxsusdur.

Semral Cavad
APA TV