Xəbərlər

Toyda yeyib içib tanışlarını bıçaqladı

19:23

6 fevral 2023

Toyda bıçaqlanma hadisəsi olub.

Hadisə Şəmkir şəhərində yerləşən şadlıq saraylarından birində qeydə alınıb.

Dəllərcəyir kənd sakinləri - 1996-cı il təvəllüdlü Nərimanlı İntiqam Fəxri oğlu qolunun, 1993-cü il təvəllüdlü Məmmədli Məmməd Yunis oğlunun qarnının kəsilmiş-deşilmiş yarası ilə Şəmkir rayon mərkəzi xəstəxanasına yerləşdirilib. Zərərçəkənlərə tibbi yarım göstərilib.

Məlumata görə hər iki şəxs toyda tanıdığı Novruz Əmraslanov tərəfindən bıçaqlanıb. Hadisə vaxtı onlar sərxoş olublar.

“Şəmkir Rayon Polis Şöbəsinə rayon sakini Məmməd Məmmədlinin və İntiqam Nərimanlının bıçaqla müxtəlif bədən xəsarətləri alması barədə məlumat daxil olub. Polis əməkdaşlarının keçirdikləri əməliyyat-axtarış axtarış tədbirləri nəticəsində vətəndaşlara xəsarət yetirməkdə şübhəli bilinən rayon sakini Novruz Əmraslanov saxlanılıb.”

Faktla bağlı araşdırmalar davam etdirilir.