Xəbərlər

Xaçmazda əməliyyat : 7 nəfər saxlanılıb

13:05

1 mart 2023

Xaçmaz Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı silsilə əməliyyatlar keçirilib.

DİN-in Mətbuat Xidmətinin Quba regional qrupundan verilən məlumata görə, keçirilən əməliyyat-axtarış tədbirləri nəticəsində narkotik vasitələrin əldə etməsi, saxlaması, daşıması və satmasında şübhəli bilinən rayon sakini Xəyal Əliməmmədov saxlanılıb. Həmin şəxsdən narkotik vasitə olan heroin aşkar olunaraq götürülüb.

Keçirilən digər əməliyyat-axtarış tədbirləri zamanı rayon sakinləri A.Teyyubov, M.Teyibov, A.Bayramov və Quba rayon sakinləri X.Gülbalayev, C.Abdullayev, M.Hüseynov saxlanılıblar. Həmin şəxslərdən narkotik vasitə olan heroin və marixuana aşkar aşkar olunaraq götürülüb.

Faktlarla bağlı Xaçmaz RPŞ-də cinayət işi başlanılıb və məhkəmənin qərarı ilə Xəyal Əliməmmədovun barəsində həbs qətimkan tədbiri, digər şəxslərin barələrində isə polisin nəzarəti altına vermə qətimkan tədbiri seçilib.