Bakıda sevgilisini qətlə yetirən şəxs 18 il azadlıqdan məhrum edilib

Bakıda sevgilisini qətlə yetirən şəxs 18 il azadlıqdan məhrum edilib
# 19 iyul 2022 12:39 (UTC +04:00)

Bakıda tanışı olan qadını qətlə yetirməkdə təqsirləndirilən Samir Sadıqovun cinayət işi üzrə məhkəmə prosesi başa çatıb.

APA xəbər verir ki, hakim İlham Mahmudovun sədrliyi ilə keçirilən prosesdə hökm oxunub.

Hökmə əsasən, Samir Sadıqov 18 il azadlıqdan məhrum edilib.

Qeyd edək ki, bu il fevralın 23-də saat 11 radələrində Xəzər rayonu ərazisində yaşadığı evdə Sevinc Cəfərovanın kəsici-deşici alətlə aldığı xəsarətlərdən ölməsi barədə rayon prokurorluğuna məlumat daxil olub. Dərhal prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.

Faktla bağlı Xəzər rayon prokurorluğunda Cinayət Məcəlləsinin 120.1 (qəsdən adam öldürmə) maddəsi ilə cinayət işi başlanıb.

Keçirilən əməliyyat-axtarış tədbirləri nəticəsindən qadını qətlə yetirməkdə şübhəli bilinən tanışı Samir Sadıqov tutularaq istintaqa təhvil verilib.

Samir Sadıqovla Sevinc Cəfərova arasında sevgi münasibətinin olduğu bildirilib.

#
#

ƏMƏLİYYAT İCRA OLUNUR