Bakıda səfərdə olan Mikloş Haraşti hüquq müdafiəçiləri və MTRŞ sədri Nuşirəvan Məhərrəmli ilə görüşüb

Bakıda səfərdə olan Mikloş Haraşti hüquq müdafiəçiləri və MTRŞ sədri Nuşirəvan Məhərrəmli ilə görüşüb
# 25 aprel 2007 14:46 (UTC +04:00)
Bakıda səfərdə olan ATƏT-in media və söz azadlığı üzrə xüsusi nümayəndəsi Mikloş Haraşti insan hüquq müdafiə təşkilatlarının rəhbərləri ilə görüşüb. Bu barədə APA-ya Mikloş Haraştini səfərdə müşayiət edən Anna Karastrayter məlumat verib. Onun sözlərinə görə, görüşlər zamanı hüquq müdafiəçiləri Mikloş Haraştiyə ölkədə jurnalistlərin hüquqlarının müdafiəsi ilə bağlı vəziyyət barədə məlumat veriblər. “Gündəlik Azərbaycan” qəzetinin baş redaktoru Eynulla Fətullayevin həbsi ilə maraqlanan Mikloş Haraşti bu qəzetin əməkdaşları ilə görüşmək niyyətində olduğunu bildirib. Bakıda səfərdə olan ATƏT-in media və söz azadlığı üzrə xüsusi nümayəndəsi Mikloş Haraşti bu gün Milli Televiziya və Radio Şurasının sədri Nuşirəvan Məhərrəmli ilə görüşüb. MTRŞ-dən APA-ya verilən məlumata görə, görüşdə xarici telekanalların Azərbaycanda yayımı, ANS telekanalı və ANS ÇM radiosuna yayım tezliyi verilməsi, ölkəmizin Sərhədsiz Televiziyalar Konvensiyasına qoşulması ilə bağlı məsələlər müzakirə edilib. /APA/
#
#

ƏMƏLİYYAT İCRA OLUNUR