Media

Ana səhifə

Media

Ukraynanın “5-ci kanal” televiziyasının Xocalı haqqında çəkdiyi film böyük əks-səda doğurub

30 aprel 2007 09:04 (UTC +04:00)

Ukraynanın “5-ci kanal” televiziyasının tanınmış aparıcısı İqor Slisarenko Azərbaycanın iqtisadi inkişafı haqqında süjet hazırlayır. İ. Slisarenko APA-ya bildirib ki, bu məqsədlə o, iqtisadi inkişaf nazirinin müavini Mikayıl Cabbarovdan maraqlı müsahibə alıb. Kanal Heydər Əliyevin timsalında siyasi liderin rolu və siyasi liderliyin əhəmiyyəti barəsində böyük proqram hazırlamağı da planlaşdırır. İ. Slisarenko xatırladıb ki, Xocalı haqqında çəkdiyi sənədli film 3 dəfə televiziya ilə nümayiş edilib, Azərbaycanın Ukraynadakı səfiri Tələt Əliyev filmin nümayişi zamanı proqramda çıxış edib. Jurnalistin sözlərinə görə, film böyük əks-səda doğurub: “Tamaşaçılar redaksiyaya zəng vurub, elektron ünvana məktublar yazıb, kanalın forumuna daxil olaraq, gördüklərindən sarsıldıqlarını bildiriblər”.
Bundan əlavə, “5-ci kanal” Bakı Slavyan Universiteti, orada ukraynaşünaslıq ixtisası üzrə təhsil haqqında süjet də nümayiş etdirib. /APA/