Azərbaycan radiosunun “Qızıl fond”unda saxlanılan lent yazıları disklərə köçürüləcək

Azərbaycan radiosunun “Qızıl fond”unda saxlanılan lent yazıları disklərə köçürüləcək
# 11 may 2007 15:21 (UTC +04:00)
“Azərbaycan televiziya və radio verilişləri” (AzTV) Qapalı Səhmdar Cəmiyyəti (QSC) radionun “Qızıl fond”unda saxlanılan lent yazılarının keyfiyyətini təmin etmək məqsədilə onları disklərə köçürəcək. Bu barədə APA-ya məlumat verən AzTV-nin radio üzrə sədr müavini Mövlud Süleymanlının sözlərinə görə, bu məqsədlə yaxın vaxtlarda radio yeni avadanlıqla təchiz olunacaq: “Görəcəyimiz bu iş səs sərvətimizin ömrünü 100 illərlə uzadacaq, bundan nəinki Azərbaycan radiosu, həmçinin, lentlərdən istifadə edən bütün telekanallar yararlana biləcək”. Hazırda radionun “Qızıl fond”unda 100 mindən çox səs yazısının saxlandığını deyən M. Süleymanlı bu nadir incilərin dəfələrlə üzlərinin köçürüldüyünü, zəifləmiş və zədə almış lentlərin yenidən bərpa olunduğu vurğulayıb. /APA/
#
#

ƏMƏLİYYAT İCRA OLUNUR