İyulda Azərbaycanda elektrik enerjisindən istifadə qaydalarının pozulması faktları üzrə 1500-dək akt tərtib edilib

İyulda Azərbaycanda elektrik enerjisindən istifadə qaydalarının pozulması faktları üzrə 1500-dək akt tərtib edilib
# 29 avqust 2008 09:59 (UTC +04:00)
Bakı. Elnur Hüseynquluyev – APA-Economics. Cari ilin iyul ayında Azərbaycanda elektrik enerjisindən istifadə qaydalarının pozulması faktlarının araşdırılması üzrə keçirilmiş reydlər zamanı 1480-dən çox akt tərtib edilərək 7 mln. kVt/saatdan çox itirilmiş elektrik enerjisinin 422 min manata yaxın istehlak dəyəri bərpa edilib.
«Azəreneji» ASC-nin mətbuat xidmətindən «APA-Economics»ə daxil olan məlumata görə, Regional Enerji Təchizatı (RET) MMC-lər üzrə İmişli RET-də 246, Lənkəran RET-də 179, Gəncə RET-də 161, Kürdəmir RET-də 140 və Şəmkir RET-də 124 qayda pozuntusu qeydə alınıb.
Bu ilin iyul ayında ən çox qayda pozuntusu Şirvan RET-in, ən az isə Mingəçevir RET-in xidmət sahəsində olub. Aktlar üzrə bərpa edilmiş elektrik enerjisinin istehlak dəyərinin 86%-dən artıq hissəsinin ödənilməsi təmin edilib.
Bundan başqa, iyul ayında yazılmış aktların ödəniş səviyyəsi ən yüksən Şəmkir, Gəncə və Kürdəmir RET-də olub. Belə ki, sözügedən müəssisələrdə ötən aylarda yazılmış aktların ödənilməmiş qalıq məbləğlərin də ödənişi təmin edilib. Ən aşağı ödəniş isə Şirvan RET-də (40%) qeydə alınıb.
Qeyd edək ki, bu ilin yanvar-iyul aylarında 12 mindən çox elektrik enerjisindən istifadə qaydalarının pozulması faktı aşkarlanaraq 56,3 mln. kVt/saata yaxın itirilmiş elektrik enerjisinin 3,4 mln. manata yaxın istehlak dəyəri bərpa edilib.
#
#

ƏMƏLİYYAT İCRA OLUNUR