Azərbaycanın “Eurovision-2011” müsabiqəsindəki təmsilçilərinin oxuyacağı “Running Scared” mahnısının akustik versiyası və klub remiks variantı təqdim olunub – FOTO

Azərbaycanın “Eurovision-2011” müsabiqəsindəki təmsilçilərinin oxuyacağı “Running Scared” mahnısının akustik versiyası və klub remiks variantı təqdim olunub – <font color=red>FOTO </font>
# 29 aprel 2011 13:38 (UTC +04:00)
Bakı. Ülkər Qasımova – APA. Azərbaycanın “Eurovision-2011” müsabiqəsindəki təmsilçilərinin Düsseldorfda ifa edəcəkləri “Running Scared” mahnısının akustik versiyası və klub remiks variantı təqdim olunub. Bu abrədə APA-ya Azərbaycanın müsabiqə üzrə mətbuat katibi və Ukraynanın “Euromedia” şirkətinin əməkdaşı Konstantin Xudov məlumat verib. Onun sözlərinə görə, Eldar və Nigarın Düsseldorfda təqdim edəcəkləri mahnının remiks verisyası məşhur DJ İngo Marter və Azzido Da Bass tərəfindən hazırlanıb. Mahnının akustik versiyasında tanınmış gitara ifaçısı və musiqi prodüseri Dmitri Çetverqov da iştirak edib. Təmsilçilərimizi gitarada məşhur musiqiçi müşayiət edir. O, “Running Scared” mahnısını bəyənib və bu versiyanın sakit akustik aranjeman variantını da hazırlayıb. Bu aranjeman “The Beatles” qrupunun “Yesterday”, “Extreme” qrupunun “More Than Words”, eləcə də “U.F.O.”nun “Belladonna” mahnısı stilindədir. Təmsilçilərdən Nigar Camal yeni versiyalarla bağlı fikirlərini də səsləndirib: “Akustik versiyanın yaxşı tərəfi odur ki, burada kompüterdən istifadə olunmur, eyni zamanda mahnı üzərində heç bir redaktə edilmir. Bu versiyada ancaq biz və bizim mahnımız var. Bunu çox ürəkdən oxuyuruq”.
Təmsilçilərimizlə əməkdaşlıq edən tanınmış DJ Azzido Da Bass Eldar və Nigarın ifasını çox bəyəndiyini bildirib: “Hər ikisi çox qəşəng ifa edir və onların ifasını eşidən kimi çox bəyəndim. Remiks versiyasını hazırlayanda mahnının ən əsas yerlərini saxlamağa çalışmışam. “Eurovision” müsabiqəsində Azərbaycan təmsilçilərinə uğurlar arzulayıram və ümid edirəm ki, Azərbaycan yarışmada qalib gələcək. Çünki “Running Scared” həqiqətən də artıq hitdir”.
Qeyd edək ki, Azzido Da Bassın ilk sinqlı “Dooms Night” 1999-cu ildə çıxıb. Bu sinql uzun müddət Böyük Brtianiyanın top onluğunda olub. O, bu uğuru 2000-ci ildə də təkrar edib.
“Running Scared”in hər iki versiyasını internetdə video-rolik vasitəsi ilə izləmək mümkündür. (http://www.youtube.com/watch?v=CiPUtr51g14,http://www.youtube.com/watch?v=jHw6OpbehTk). Azərbaycan təmsilçilərinin rəsmi internet saytından (http://eldarnigar.eurovisiontalents.com/press/) bu versiyaları pulsuz yükləmək mümkündür.
#
#

ƏMƏLİYYAT İCRA OLUNUR