Sosial

Ana səhifə

Sosial

Azərbaycanda doktoranturaya qəbul üçün 500-ə yaxın yer ayrılıb

11 yanvar 2010 12:37 (UTC +04:00)

Bakı. Kəmalə Quliyeva – APA. Əgər Azərbaycan Nazirlər Kabineti (NK) may ayına qədər “Doktoranturaya qəbul qaydaları”nı təsdiqləsə, Azərbaycan Milli Elmlər Akademiyası (AMEA) 2009-cu il üçün doktoranturaya qəbulu elan edə bilər. Bu barədə APA-ya AMEA-nın prezidenti Mahmud Kərimov bildirib. Onun sözlərinə görə, akademiya 2009-cu il üçün doktoranturaya qəbul aparmağa ötən ildən hazırdır: “Doktoranturaya qəbul planı da hazırdır. Ancaq akademiya sustemi üzrə doktoranturaya 170-ə yaxın plan yeri ayrılıb. Başqa nazirlikləri və digər ali təhsil müəssisələrini də nəzərə alsaq, ümumilkdə ölkə üzrə doktoranturaya qəbul planı 500 nəfərə yaxındır. Lakin doktoranturaya qəbul aparılan ixtisasları bir də nəzərdən keçirmək lazımdır”.

AMEA prezidenti deyib ki, rəhbərlik etdiyi qurum bu il doktoranturaya iki dəfə qəbul aparılmasının tərəfdarıdır: “Elmdə fasiləsizlik olmalıdır. Əgər biz yay aylarına qədər 2009-cu il üçün doktoranturaya qəbul elan etsək, ilin sonunda 2010-cu il üçün də doktoranturaya qəbul apara bilərik”.