Bu il Azərbaycanda 9815 əcnəbinin əmək fəaliyyəti ilə məşğul olmasına icazə veriləcək

Bu il Azərbaycanda 9815 əcnəbinin əmək fəaliyyəti ilə məşğul olmasına icazə veriləcək
# 05 yanvar 2011 13:54 (UTC +04:00)
Əmək və Əhalinin Sosial Müdafiəsi Nazirliyi yanında Miqrasiya İdarəsinin rəisi Rauf Tağıyev APA-ya bildirib ki, Nazirlər Kabinetinin təsdiqlədiyi bu kvotada ən çox yer tikinti sektoru üzrədir.

R.Tağıyev xaricdən Azərbaycana gələn əməkçi miqrantlar arasında tikinti sektorunda çalışanlara daha çox ehtiyacın olmasını ölkədə həyata keçirilən infrastruktur layihələrlə əlaqələndirib: «Kvotada tikinti sektoruna daha çox yerin ayrılması infrastruktur layihələrin həyata keçirilməsi ilə bağlıdır. Bu yerlərdə işləmək üçün əsas götürülən tələblərə cavab verən Azərbaycan vətəndaşları yetərli sayda deyil».

R.Tağıyevin sözlərinə görə, ötən il də ayrılmış kvotada tikinti sektoru üzrə müəyyənləşdirilmiş yerlər üstünlük təşkil edib.

İdarə rəisi bildirib ki, bu ilki kvotada ayrılmış yerlərin sayına görə ikinci yerdə neft sektorudur.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR