Moskva Dövlət Linqivistika Universitetində təhsil alan azərbaycanlı jurnalistlərlə Rusiya Dövlət Humanitar Universitetinin rektoru arasında görüş olub

Moskva Dövlət Linqivistika Universitetində təhsil alan azərbaycanlı jurnalistlərlə Rusiya Dövlət Humanitar Universitetinin rektoru arasında görüş olub
# 26 yanvar 2011 11:37 (UTC +04:00)
Moskva. Fərid Əkbərov - APA. Moskva Dövlət Linqivistika Universitetində dövlət xətti ilə ikinci ali təhsil alan azərbaycanlı jurnalistlərlə Rusiya Dövlət Humanitar Universitetinin rektoru, Rusiya-Azərbaycan Dostluq Cəmiyyətinin sədri Yefim Pivovar arasında görüş olub. APA-nın Moskva müxbirinin verdiyi məlumata görə, görüşdə Y. Pivovar Bakıdan yeni qayıtdığını söyləyib. Rektor Bakıda Rusiya İnformasiya Mədəniyyət Mərkəzinin açılışında iştirak etdiyini bildirib. O, həmçinin bu ilin payızında Bakıda keçiriləcək Rusiya-Azərbaycan Humanitar Forumunun təşkilat komitəsinin görüşündə iştirak etdiyini xatırladıb: “Biz Bakıda olanda Azərbaycan–Rusiya Dostluq Cəmiyyətinin sədri Maqsud İbrahimbəyov ilə məşhur bakılı Nikolay Baybakovun 100 illik yubileyi ilə bağlı tədbirlərin keçiriləməsini müzakirə etdik”.

Y. Pivovar Rusiyada fəaliyyət göstərən Azərbaycan diasporasının fəaliiyyətini yüksək qiymətləndirib. Onun sözlərinə görə, Azərbaycan diasporası Rusiyada fəaliyyət göstərən ən böyük diasporadır.

O, Dağlıq Qarabağ münaqişəsindən də danışıb və problemin sülh yolu ilə həll olunmasının tərəfdarı olduğunu bildirib: “Bunun üçün danışıqları davam etdirmək lazımdı. Mən Rusiya-Azərbaycan Dostluq Cəmiyyəti ilə Rusiya Ermənistan Dostluq Cəmiyyətinin birgə görüşünün təşkil olunmasını təklif etmişəm”.
Rektor üç ölkənin - Azərbaycan, Ermənistan və Gürcüstanın humanitar universitetlərinin rektorlarının birgə görüşünün keçirilməsini də təklif etdiyini söyləyib.
#
#

ƏMƏLİYYAT İCRA OLUNUR