Abel Məhərrəmov: “Azərbaycanda təqaüdün azlığı ali məktəb müəllimlərinin təqaüdə göndərilməsinə imkan vermir”

Abel Məhərrəmov: “Azərbaycanda təqaüdün azlığı ali məktəb müəllimlərinin təqaüdə göndərilməsinə imkan vermir”
# 11 mart 2011 14:32 (UTC +04:00)
Bakı. İlhamə İsabalayeva-APA. “Bir çox Avropa ölkələrinin ali məktəblərində işləyən müəllimlər üçün yaz senzi tətbiq olunur. Ancaq Azərbaycanın sosial müdafiə sistemi sovet dövründən qaldığı üçün biz professorları təqaüdə çıxara bilmirik”. APA-nın məlumatına görə, bu fikri Bakı Dövlət Universitetinin (BDU) rektoru, millət vəkili Abel Məhərrəmov bu gün ABŞ prezidenti Barak Obamanın elm məsələlər üzrə nümayəndəsi Elis Qastla görüşündə deyib.

Onun sözlərinə görə, Avropa ölkələrinin ali məktəblərində işləyən müəllimlər üçün yaş senzi 62, 64, hətta 68 olur: “Bu müəllimlər özləri təqaüdə çıxırlar və təqaüdə çıxanda da yaxşı təmin olunurlar. Çünki yaxşı pensiya alırlar”.
Rektorun qeyd edib ki, Azərbaycanda müəllimlər az məbləğdə təqaüd alırlar. Bu isə müəllimlərinin təqaüdə göndərilməsinə imkan vermir və ali məktəblərdə işləyən müəllimlərin orta yaş həddini çox yuxarı qaldırır. A. Məhərrəmov bunu nəinki Azərbaycanın, MDB ölkələrinin problemi olduğunu açıqlayıb. Rektor onu da əlavə edib ki, hazırda Azərbaycan hökuməti müəllimlərin və tələbələrin sosial müdafiəsinin gücləndirilməsi istiqamətində iş aparır.
#
#

ƏMƏLİYYAT İCRA OLUNUR