Gəncə şəhərinin “Avropanın gənclər paytaxtı” olması üçün namizədliyi irəli sürülüb

Gəncə şəhərinin “Avropanın gənclər paytaxtı” olması üçün namizədliyi irəli sürülüb
# 21 iyun 2012 08:30 (UTC +04:00)
APA-nın xəbərinə görə, bunu gənclər və idman naziri Azad Rəhimov “Azərbaycan gəncliyi 2011-2015-ci illərdə” Dövlət Proqramının icrası ilə bağlı Əlaqələndirmə Şurasının ilk iclasında çıxışında deyib.

Nazir Gəncənin “Azərbaycanın gənclər paytaxtı” elan olunduğunu, Azərbaycanın regionlarında hazırda 11 “Gənclər evi” tikildiyini, 10-dan artıq “Gənclər evi”nin isə tikilməkdə olduğunu açıqlayıb. Onun sözlərinə görə, qısa zamanda “Gənclər evi” şəbəkəsi bütün regionları əhatə edəcək.

A. Rəhimov çıxışında “Azərbaycan Tələbə Kartı” barədə də danışıb. Qeyd edib ki, bu kart ölkədə 192 min tələbəyə veriləcək. İlk dəfə olaraq kart azərbaycanlı gənclərə pulsuz paylanacaq. Nazir, digər ölkələrdə bu kartın qiymətinin 10-15 avro olduğunu bildirib.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR