Bələdiyyə qulluqçularının qurultayı keçiriləcək

Bələdiyyə qulluqçularının qurultayı keçiriləcək
# 02 iyul 2007 15:31 (UTC +04:00)
Sentyabrın 28-də bələdiyyə qulluqçularının qurultayı keçiriləcək. Bələdiyyə Qulluqçuları Həmkarlar Komitəsindən APA-ya verilən məlumata görə, qurultayda qurumun 5 illik fəaliyyəti, Təftiş Komissiyasının hesabatı, təşkilati məsələlər, Nizamnaməyə əlavə və dəyişikliklər müzakirə ediləcək. Əsas dəyişiklik qurumun adı ilə bağlı olacaq. Qurultay təsdiq edərsə, təşkilat Bələdiyyə İşçiləri Həmkarlar İttifaqları Respublika Komitəsi adlanacaq. Hazırda qurumun yerli bölmələrinin hesabat konfransları başa çatmaq üzrədir.
Qeyd edək ki, Bələdiyyə Qulluqçuları Həmkarlar Komitəsi 2002-ci ildə Ədliyyə Nazirliyində qeydiyyatdan keçib və həmin ilin sentyabrında ilk qurultayını keçirib. Hazırda təşkilatın 22600 nəfər üzvü 62 rayonun 1280 bələdiyyəsində fəaliyyət göstərir. /APA/
#
#

ƏMƏLİYYAT İCRA OLUNUR