Alman deputat: Dağlıq Qarabağ münaqişəsi ilə bağlı Azərbaycanın mövqeyi və BMT-nin 4 qətnaməsi Bundestaqda dəstəklənir

Alman deputat: Dağlıq Qarabağ münaqişəsi ilə bağlı Azərbaycanın mövqeyi və BMT-nin 4 qətnaməsi Bundestaqda dəstəklənir
# 09 avqust 2016 14:27 (UTC +04:00)

Bakı - APA. Bu gün Milli Məclisdə Azərbaycan-Almaniya parlamentlərarası əlaqələr üzrə işçi qrupunun üzvləri ölkəmizdə səfərdə olan Almaniya Bundestaqının deputatı, Cənubi Qafqaz üzrə dostluq qrupunun rəhbəri Karin Strenz ilə görüşüblər.

Milli Məclisin mətbuat xidmətindən APA-ya verilən məlumata görə, Azərbaycan-Almaniya parlamentlərarası əlaqələr üzrə işçi qrupunun rəhbəri Rövşən Rzayev işçi qrupun fəaliyyətindən danışıb.

R. Rzayev ölkələrarası münasibətlərin inkişafında qarşılıqlı səfərlərin əhəmiyyətini yüksək dəyərləndirib, Dağlıq Qarabağ münaqişəsinin həllində hazırda ATƏT-ə sədrlik edən Almaniyanın konkret ciddi addımlar atacağına ümidvar olduğunu bildirib. Deputatlar Fəttah Heydərov, Rafael Hüseynov, Fuad Muradov, Rasim Musabəyov Azərbaycan-Almaniya əlaqələrinin genişlənməsinə təkan verəcək təkliflərini nəzərə çatdırıblar.

K. Strenz Almaniya Bundestaqında Dağlıq Qarabağ münaqişəsi ilə bağlı Azərbaycanın mövqeyinin və BMT Təhlükəsizlik Şurasının 4 qətnaməsinin dəstəkləndiyini vurğulayıb.

O bu ilin mayında Almaniyaya səfər edən Azərbaycan prezidenti İlham Əliyevin keçirdiyi görüşlər və İqtisadi Forumdakı çıxışına dair xoş təəssüratlarını bölüşüb. Eyni zamanda iki ölkə arasında siyasi, iqtisadi və digər sahələrdə əməkdaşlığın genişləndirilməsini vacib sayıb.

Görüşdə səmərəli fikir mübadiləsi aparılıb.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR