Bakı. Aqşin Rafiqoğlu – APA-Economics. Ötən ilin yanvar-dekabr aylarında Gürcüstan Azərbaycandan 314 302,4 min dollar dəyərində 1 506 440,4 kubmetr yanacaq qazı və digər qazlar idxal edib.
Bu barədə “APA-Economics” Gürcüstan Milli Statistika Xidmətinə istinadən məlumat verib.
Bu, daha əvvəlki illə müqayisədə 9,22% çoxdur. 2014-cü illə müqayisədə Gürcüstandan ixrac olunan yanacaq qazının həcmi dəyər baxımından isə 9,38% artıb.
Ötən il ərzində Gürcüstan Azərbaycandan 137 528,8 min dollar dəyərində 280 981,4 ton yanacaq və yanacaq yağları idxal edib. Bu, daha əvvəlki ilin eyni dövrü ilə müqayisədə 1,73% azdır.
2014-cü ilin yanvar-dekabr ayları ilə müqayisədə isə Gürcüstandan ixrac olunan yanacaq və yanacaq yağlarının həcmi dəyər baxımından 42,90% azdır.
Qeyd edək ki, Azərbaycandan Gürcüstana ixrac olunan məhsulların 57,89%-i yanacaq qazı və digər qazlar, 25,33%-i isə yanacaq və yanacaq yağlarının payına düşür.
Xatırladaq ki, ötən ilin yanvar-dekabr aylarında Azərbaycandan Gürcüstana 542 894,7 min dollar dəyərində məhsul ixrac edilib. Bu, ötən ilin eyni dövrü müqayisədə 14,85% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
