Bakı. Hafiz Heydərov – APA. Hacıqabul və Şirvan sakinlərinə qarşı dələduzluq edən şəxs tutulub.
Daxili İşlər Nazirliyinin mətbuat xidmətindən APA-ya verilən məlumata görə, Hacıqabul Rayon Polis Şöbəsi və Sabunçu Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində cari il iyunun 3-də Hacıqabul rayon sakini Zahidağa Səmədbəylini aldadıb 2400 manat pulunu almaqda şübhəli bilinən həmyerlisi Sabir Həsrətov saxlanılıb. Onun ətrafında aparılmış əməliyyat tədbirləri ilə onun 2015-ci ildə Hacıqabul rayon sakini Əlisəddar Ağayevi və Şirvan şəhər sakini Əlizamin Nəsirovu aldadıb onlardan ümumilikdə 4400 manat pul alması, habelə Sabunçu Rayon Polis İdarəsi tərəfindən Cinayət Məcəlləsinin 178-ci (dələduzluq) maddəsi ilə axtarışda olması da müəyyən edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
