Maliyyə

Ana səhifə

Maliyyə

“ExpressPay” terminalları Hökumət Ödəniş Portalına qoşulub

06 yanvar 2016 10:24 (UTC +04:00)

Bakı. Yeganə Laçınzadə - APA-Economics. “ExpressPay” ödəniş terminalları müştərilərin rahatlığı məqsədilə Azərbaycan Mərkəzi Bankı tərəfindən yaradılan Hökumət Ödəniş Portalına qoşulub.

“Expressbank”dan “APA-Economics”ə verilən xəbərə görə, artıq müştərilər Daxili İşlər Nazirliyi, Vergilər Nazirliyi və Dövlət Sosial Müdafiə Fondu üzrə 110-dan artıq xidmət üçün inzibati cərimə, rüsum və başqa büdcə ödənişlərini “ExpressPay” terminalları vasitəsilə həyata keçirə bilərlər.

Ödənişlərin aparılması zamanı qəpik qalıqların yaranması ehtimalı var. Bunu nəzərə alaraq, qəpiklə qalıq yarandığı halda istifadəçilərə bu məbləği “Azercell”, “Bakcell” və ya “NarMobile” nömrələrinə yönləndirmək təklif olunur. İmtina zamanı isə istifadəçilərə xüsusi şifrə ilə qalıq kartı çap edilir. Qalıq kartı vasitəsi ilə istənilən vaxt mobil operatorlarının nömrələrinə ödəniş etmək mümkündür.

Hazırda ödəniş terminallarında “Expressbank”a aid ödənişləri (kredit ödənişi, əmanət və cari hesabın artımı, həmçinin bank kartlarına onlayn rejimdə mədaxil), “EmbaFinans” (Embawood və Madeyra mebelləri) bank olmayan kredit təşkilatının ödəmələri, “Nikoil Bank”, “PAŞA Sığorta”, Bakı taksi, mobil operatorlar, kommunal / rabitə ödənişləri (Aztelekom – BTRİB), kabel TV, İnternet provayderlər, həmçinin onlayn oyunlar, sosial şəbəkələr və digər xidmətlər də mövcuddur.

“ExpressPay” ödəniş terminalları üzrə müştəri xidmətini artırmaq məqsədilə “Qaynar xətt” xidməti yaradılıb. Artıq müştərilər 24 saat ərzində istənilən təklif, şikayət və ya texniki nasazlıq barədə (055) 5000 132 nömrəsinə zəng vura və ya WhatsApp vasitəsilə mesaj yaza bilərlər.

“Expressbank”ın xidmət şəbəkəsi 18 filialdan ibarətdir. Onlardan 12-si Bakı və Sumqayıt şəhərlərində, 6-sı isə ölkənin Gəncə, Mingəçevir, Bərdə, Qusar, Xaçmaz və Şirvan şəhərlərində yerləşir. Bankın ölkə üzrə 90-dək bankomat, 7500-dək POS-terminal və 400-dək “ExpressPay” ödəniş terminalı vardır.

Bank xidmətləri barədə ətraflı məlumat üçün 132 məlumat mərkəzinə zəng edə, www.expressbank.az saytına və ya bankın rəsmi Facebook səhifəsinə www.facebook.com/Expressbank daxil ola bilərsiniz.