Azərbaycan idman yarışlarının manipulyasiyasına dair Avropa Konvensiyasını imzalayıb - FOTOSESSİYA

Azərbaycan idman yarışlarının manipulyasiyasına dair Avropa Konvensiyasını imzalayıb - <span style="color: red;">FOTOSESSİYA
# 19 sentyabr 2014 09:31 (UTC +04:00)

Gənclər və İdman Nazirliyinin mətbuat xidmətindən APA-ya verilən məlumata görə, konfrans Azərbaycanın oktyabrın 31-dək davam edəcək Avropa Şurası Nazirlər Komitəsinə sədrliyi dövründə baş tutur. Bu səbəblə tədbirin açılış sessiyasında Avropa Şurası Nazirlər Komitəsinin sədri qismində Azad Rəhimov çıxış edib.

A. Rəhimov bildirib ki, Azərbaycan daim bir sıra beynəlxalq idman yarışlarına ev sahibliyi edib və 2015-ci ildə ilk dəfə olaraq Avropa oyunları Azərbaycanda keçiriləcək. Nazir hər bir idman yarışında tamaşaçı zorakılığının, idmanda korrupsiya hallarının qarşısının alınmasının çox önəmli olduğunu qeyd edib və Azərbaycanın daim bu sahədə Avropa Şurası ilə əməkdaşlıq etdiyini diqqətə çatdırıb.

Konfransda “İdmanın idarə olunmasında korrupsiya”, “Avropa Şurası ilə Avropa İttifaqı arasında əməkdaşlıq”, “2015-ci il Dünya Antidopinq Kodeksinin həyata keçirilməsində hökumətlərin rolu”, “Tamaşaçı zorakılığına dair 1985-ci il Avropa Konvensiyasının icmalı” adlı qətnamələr də qəbul edilib.

Tədbir zamanı “İdman yarışlarının manipulyasiyasına dair Avropa Konvensiya”sı imzalanmağa açıq elan edilib. Azərbaycan konfransda iştirak edən ölkələr arasında konvensiyaya imza atan ilk ölkə olub. İmzalanma mərasimində Avropa Şurasının Baş Katibi T. Yaqland da iştirak edib.

Qeyd edək ki, Azərbaycanı Avropa Şurasının idmana məsul nazirlərinin 13-cü Konfransında Azad Rəhimov təmsil edirdi. Konfransın aşılış günü İsvecrənin müdafiə, mülkü müdafiə və idman naziri Ueli Maurer sədr, Gənclər və idman naziri Azad Rəhimov isə sədr müavini seçilmişdi.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR