Elmin İnkişafı Fondu “Azərkosmos” ASC-də tanışlıq görüşü keçirib - FOTO

Elmin İnkişafı Fondu “Azərkosmos” ASC-də tanışlıq görüşü keçirib - <span style="color: red;">FOTO
# 11 iyul 2014 10:45 (UTC +04:00)

Bakı - APA. Azərbaycan prezidenti yanında Elmin İnkişafı Fondu bu gün “Azərkosmos” ASC-də tanışlıq görüşü keçirib. Bu barədə APA-ya Elmin İnkişafı Fondunun mətbuat xidmətindən məlumat verilib.

Görüşün təşkil edilməsində əsas məqsəd hər iki qurumun fəaliyyət istiqamətləri ilə qarşılıqlı tanış olmaq, gələcək əməkdaşlığın prioritetlərini müzakirə etmək olub.

Elmin İnkişafı Fondunun icraçı direktoru Elçin Babayev və Fondun əməkdaşları “Azərkosmos” ASC-nin Əsas Yerüstü Peyk İdarəetmə Mərkəzində “Azerspace-1” peykinin idarə edilməsi prosesi, eləcə də, İdarəetmə Mərkəzinin infrastrukturu və fəaliyyət prinsipləri ilə tanış olublar. Qonaqları rəhbərlik etdiyi qurumla tanış edən “Azərkosmos” ASC-nin sədri Rəşad Nəbiyev bildirib ki, Qafqazda yeganə peyk operatoru olan “Azərkosmos” ASC rəqəmli teleradio yayımı, VSAT şəbəkələri və digər telekommunikasiya xidmətlərinin göstərilməsi üçün peyk tutumları təqdim edir.


Ötən ilin fevral ayında orbitə buraxılan və “Azərkosmos” tərəfindən idarə edilən “Azerspace-1” peyki 46° Şərq uzunluğu orbital mövqeyində yerləşir və Avropa, Afrika, Yaxın Şərq, Qafqaz və Mərkəzi Asiya regionlarını əhatə edir. Onun sözlərinə görə, Elmin İnkişafı Fondu ilə əməkdaşlıq “Azərkosmos” ASC-nin gələcək fəaliyyətinə də müsbət təsir edə bilər. Belə ki, artıq “Azərkosmos” ASC-nin əməkdaşı Niyazi Piriyev Fondun maliyyələşdirdiyi 4-cü “Mobillik qrantı”nın qaliblərindən biri kimi “Sürətli robotlaşdırma: Açıq qaynaq proqramı ilə avtomatlaşdırma sistemləri” layihəsi çərçivəsində 5 gün müddətində ABŞ-ın məşhur Massaçusets Texnologiya İnstitutunda Qabaqcıl Təhsil Proqramında iştirak edəcək.

Elmin İnkişafı Fondunun icraçı direktoru Elçin Babayev isə “Azərkosmos” ASC-nin əməkdaşları üçün “Azərbaycanda elmin qrant maliyyələşdirilməsi” mövzusunda təqdimat edib. Fondun həyata keçirdiyi müxtəlif qrant layihələri barədə məlumat verən E.Babayev “Azərkosmos” ASC-nin əməkdaşlarını bu layihələrdə yaxından iştirak etməyə çağırıb. E.Babayev qeyd edib ki, ölkədə alınmış elmi nəticələr mütləq dünya miqyasına çıxarılmalıdır. Bunun üçünsə rəqabətə davamlı səviyyədə elmi tədqiqatlar aparmaq lazımdır.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR